Dokar Soyo Sue Punah Cah

Share This

Margoyoso Update - Dokar utowo Grobak Jaran, nek bahasa Indonesiane Delman yoiku alat transportasi tradisinal seng di geret nganggo jaran. Neng Margoyoso khususe dalan Blumanis-Ngemplak akeh dokar podo sliweran ngeterke penumpang. Penumpang Dokar di dominasi ibu-ibu seng blonjo lan kulakan neng pasar Bulumanis karo cah-cah sekolah seng arep mangkat lan muleh sekolah. Ono ciri khas seng jane ora apek nek dalan Bulumanis-Ngemplak iki, yoiku kletong jaran di buak sak karepe dewe neng sak dalan-dalan kene. Dadi sak dawane dalan iki dadi bleduk goro-goro kletong mou.

Lha mergo berkembange jaman, soyo sue Dokar podo kalong amargo ono alat transportasi seng luwih praktis lan gampang rumatane. Alat transportasi iku yoiku becak motor. Akeh seng maune kusir Dokar seng alih profesi dadi tukang becak motor, alasane yoiku rumatane luweh gampang lan ora usah tuku pakan mung cukup tuku bensin bloko. 

Lha mergo iku soyo sue alat transportrasi Dokar utowo grobak jaran iki podo kalong lan sue-sue iso ugo punah cah.

Lha opo kue tego Cah, Dokar utowo grobak jaran seng dadi salah sijine ciri  khas neng Margoyoso iki ilang?